ஐ.தே.கவின் செயற்குழு நாளை கூடுகிறது

ஐக்கிய தேசிய கட்சியின் செயற்குழுக் கூட்டம், கட்சியின் தலைமையகமான சிறிகொத்தாவில், நாளை (13) நடைபெறவுள்ளது.

இழுபறி நிலையிலுள்ள கட்சியின் தேசிய பட்டியல் பாராளுமன்ற உறுப்பினர் தொடர்பில் இதன்போது இறுதித் தீர்மானம் எடுக்கப்படவுள்ளதாக, கட்சியின் உயர்மட்டப் பீடம் அறிவித்துள்ளது.

இந்தக் கூட்டத்தில் பங்கேற்பதற்காக, கட்சியின் சகல உறுப்பினர்களுக்கும் அழைப்பு விடுக்கப்பட்டுள்ளது. 

கட்சிக்குள் ஏற்பட்டுள்ள முரண்பாடுகள் உள்ளிட்ட விடயங்களைப் பேசித் தீர்ப்பதற்காகவே, இந்தக் கூட்டம் ஒழுங்கமைக்கப்பட்டுள்ளதாகத் தெரிவிக்கப்படுகிறது.