போதை மாத்திரைகளுடன் நான்கு இளைஞர்கள் கைது

யாழ்ப்பாணம் பொலிஸ் புலனாய்வுப் பிரிவினருக்குக் கிடைத்த இரகசியத்  தகவலின் அடிப்படையில் யாழ். பொலிஸ் போதைப்பொருள் ஒழிப்புப் பிரிவினர் மேற்கொண்ட சுற்றிவளைப்பில் 42 போதை மாத்திரைகளுடன் 4 இளைஞர்கள் கைது செய்யப்பட்டுள்ளனர்.

குருநகரைச் சேர்ந்த 22 வயதுடைய இரு இளைஞர்களும், 24 வயதுடைய இரு இளைஞர்களும் நேற்று இவ்வாறு கைது செய்யப்பட்டுள்ளனர்

சந்தேகநபர்கள் மேலதிக விசாரணைகளின் பின்னர் இன்று யாழ். நீதிவான் நீதிமன்றத்தில் முற்படுத்தப்படவுள்ளனர் என்று பொலிஸார் தெரிவித்துள்ளனர். (a)