யாழ்ப்பாணம், களுத்துறையில் சில பகுதிகள் முடக்கம்

யாழ்ப்பாணம் மற்றும் களுத்துறையில் சில பகுதிகள் இன்று காலை 5 மணி முதல் முடக்கப்பட்டுள்ளதாக இராணுவத் தளபதி சவேந்திர சில்வா தெரிவித்தார்.

யாழ்ப்பாணம் பொலிஸ் பிரிவுக்குட்பட்ட கொடிகாமம் மத்தி மற்றும் கொடிகாமம் வடக்கு ஆகிய பகுதிகளும், களுத்துறை தெற்கு பொலிஸ் பிரிவின் நாகொட தெற்கு கிராம சேவகர் பிரிவின் விஜித மாவத்தை, களுத்துறை வடக்கு பொலிஸ் பிரிவின் வித்தியாசார கிராம சேவகர் பிரிவின் போசிறிபுர, மஹாவஸ்கடுவ வடக்கு, மத்துகம பொலிஸ் பிரிவின் யட்டதொல வத்த மேற்கு கிராமசேவகர் பிரிவின் கொரட்டுஹேன கிராமம் ஆகியன மறு அறிவித்தல் வரை முடக்கப்பட்டுள்ளன.