ரஞ்சனின் கொக்கெய்ன் குற்றச்சாட்டை நிரூபிக்க முடியாதென அறிக்கை

கொக்கெய்ன் போதைப்பொருள் பயன்படுத்தும் அமைச்சர்கள், நாடாளுமன்ற உறுப்பினர்கள் இருப்பதாக, இராஜாங்க அமைச்சர் ரஞ்சன் ராமநாயக்க முன்வைத்த குற்றச்சாட்டுகளை நிரூபிக்க முடியாதெனவும் இதற்கு சாட்சியங்கள் தேவையென்றும், இது தொடர்பில் கண்டறிவதற்காக நியமிக்கப்பட்ட ஐக்கிய தேசியக் கட்சியின் விசாரணைக்குழு அறிவித்துள்ளது.

அமைச்சர் லக்ஷ்மன் கிரியெல்ல தலைமையிலான இந்தக் குழுவில், ஐ.தே.க நாடாளுமன்ற உறுப்பினர்களான எரான் விக்கிரமரத்ன, ஆசு மாரசிங்க, சட்டத்தரணி மஹேஸ் களுகம்பிட்டிய ஆகியோர் அங்கம் வகித்தனர்.