மீனவரின் வலையில் துப்பாக்கி சிக்கியது

-தீசான் அஹமட், பதுர்தீன் சியானா

திருகோணமலை, புல்மோட்டை பொலிஸ் பிரிவுக்குட்பட்ட தென்னைமரவாடிப் பகுதியிலுள்ள கலப்புக் கடலில் மீன் பீடிக்கச்சென்ற மீனவர் ஒருவரின் வலையில் ரி-56 ரக துப்பாக்கியொன்று சிக்கி மீட்கப்பட்டுள்ளதாக புல்மோட்டைப் பொலிஸார் தெரிவித்தனர்.

குறித்த மீனவர், புல்மோட்டை பொலிஸாருக்கு வழங்கிய தகவலின் பிராகாரம், நேற்று வியாழக்கிழமை (01) இரவு 10 மணியளவில் இந்த துப்பாக்கி மீட்கப்பட்டுள்ளது.

இதே கலப்புக் கடலில் இதற்கு முன்னரும் இரண்டு தடவைகள்  மீனவர்களின் வலையில் சிக்கிய ஆயுதங்கள் மீட்கப்பட்டதாக புல்மோட்டை பொலிஸார் குறிப்பிட்டனர்.