முருங்கை காய் விலை வீழ்ச்சி

-தீசான் அஹமட்

திருகோணமலை,தோப்பூர் பிரதேசத்தில் முருங்கை காயின் விலையில் வீழ்ச்சி ஏற்பட்டுள்ளதாக முருங்கை காய் பயிர்ச்செய்கையாளர்கள் கவலை தெரிவிக்கின்றனர்.

கடந்த 7ஆம் 8ஆம் மாதங்களில் 1 கிலோ கிராம் முருங்கை காய் 60 ரூபாய் தொடக்கம் 120 ரூபாய் வரை விற்பனை செய்யப்பட்டது. ஆனால் தற்போது 1 கிலோ கிராம் முருங்கை காய் 20 ரூபாய்க்கு தோப்பூர் பகுதியில் விற்பனை செய்யப்படுவதாகவும், அந்த விலைக்கு விற்பனை செய்யப்படுவது கஷ்டமாக இருப்பதாகவும் முருங்கை செய்கையாளர்கள் கவலை தெரிவிக்கின்றனர். இதனால் 500 மேற்பட்ட முருங்கை பயிர்ச்செய்கையாளர்கள் பாதிப்படைந்துள்ளனர்.