ரயிலில் மோதி இளைஞன் பலி

-பொன் ஆனந்தம், பதுர்தீன் சியானா, தீசான் அஹமட், எப்.முபாரக்

மது அருந்திவிட்டு புகையிரதக் கடவையில் பயணித்த, திருகோணமலையிலிருந்து கொழும்பு நோக்கிப் பயணித்த கடுகதி புகையிரதத்தில் மோதுண்டு, 20 வயதான இளைஞன் உயிரிழந்துள்ளான்.

இந்த விபத்து, திருகோணமலை தம்பலகாமம் பகுதியில், நேற்று திங்கட்கிழமை(29)  இடம்பெற்றதாகப் பொலிஸார் தெரிவித்தனர்.

இளைஞன், சிவஞானவடிவேல் அனோஜன் என்ற தம்பலகாமம் பகுதியைச் சேர்ந்தவரே உயிரிழந்துள்ளார். சடலம் கந்தளாய் வைத்தியசாலையில் வைக்கப்பட்டுள்ளதுடன், பொலிஸார் மேலதிக விசாரணைகளை மேற்கொண்டு வருகின்றனர்.