வெருகலில் சர்வதேச சுனாமி ஒத்திகை நிகழ்வு

-பதுர்தீன் சியானா

இந்தியன் சுனாமி முன்னெச்சரிக்கை நிலையம் அனர்த்த முகாமைத்துவ மத்திய நிலையத்துடன் இணைந்து ஏற்பாடு செய்யும் சர்வதேச சுனாமி முன்னெச்சரிக்கை ஒத்திகை நிகழ்வு இலங்கையின் 14 கரையோர மாவட்டங்களிலும் எதிர்வரும் 07ஆம் திகதி காலை 9 மணிதொடக்கம் 10 மணிவரை நடைபெறவுள்ளது.

இந்நிகழ்வின் திருகோணமலை மாவட்ட நிகழ்வு வெருகல் பிரதேச செயலக இலங்கை முகத்துவார கிராம உத்தியோகத்தர் பிரிவில் நடைபெறவுள்ளது. திருகோணமலை மாவட்ட அரசாங்க அதிபர் என்.ஏ.ஏ.புஷ்பகுமாரவின் வழிகாட்டுதலின்கீழ் மாவட்ட அனர்த்த முகாமைத்துவ மத்திய நிலையத்தின் உதவிப்பணிப்பாளர் விராஜ் திஸாநாயக்க ஆகியோர் கலந்துகொள்ளவுள்ளனர்.

இலங்கையில் முதல் தடவையாக சர்வதேச சுனாமி ஒத்திகை நிகழ்வு ஏற்பாடு நடைபெறவுள்ளது. இலங்கையுடன் இந்தியா, இந்தோனேசியா ஆகிய நாடுகளும் இணைந்து இந்த ஒத்திகையில் ஈடுபடவுள்ளமை குறிப்பிடத்தக்கது.