ஊடகத்துறை அமைச்சர் கடமைகளை ஏற்றார்

வெகுசன ஊடக அமைச்சராக ஜனாதிபதி கோட்டாபய ராஜபக்ஷ முன் நேற்று (23) பதவிப் பிரமாணம் செய்து கொண்ட கலாநிதி பந்துல குணவர்தன,  அதற்கு சிறிது நேரத்தின் பின்னர் பொல்ஹேன்கொட வெகுசன ஊடக அமைச்சுக்கு சென்று, தனது கடமைகளை உத்தியோகபூர்வமாக பொறுப்பேற்றுக் கொண்டார். 
  
இதற்கு முன்னரும் வெகுசன ஊடக அமைச்சராக பதவி வகித்த பந்துல குணவர்தன, வெகுசன ஊடக அமைச்சுப் பதவிக்கு மேலதிகமாக போக்குவரத்து மற்றும் நெடுஞ்சாலைகள் அமைச்சராகவும் ஜனாதிபதியால் நியமிக்கப்பட்டுள்ளார்.

வெகுசன ஊடக அமைச்சின் செயலாளர் அனுஷ பெல்பிட்ட மற்றும் மேலதிக செயலாளர்களான ருவன் சத்குமார, ஈ.எம்.எஸ்.பி. ஜயசுந்தர உட்பட அதிகாரிகள் பலர் புதிய அமைச்சர் கடமைகளை பொறுப்பேற்கும் இந்நிகழ்வில் கலந்துகொண்டனர்.