அத்லாண்டாவை வென்ற லேஸியோ

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், அத்லாண்டாவின் மைதானத்தில் ஞாயிற்றுக்கிழமை (06) நடைபெற்ற அவ்வணியுடனான போட்டியை 1-0 என்ற கோல் கணக்கில் லேஸியோ வென்றது.

லேஸியோ சார்பாக குஸ்டவ் இஸகென் பெற்றிருந்தார்.

இதேவேளை றோமாவின் மைதானத்தில் திங்கட்கிழமை (07) அதிகாலை நடைபெற்ற அவ்வணியுடனான போட்டியை 1-1 என்ற கோல் கணக்கில் ஜுவென்டஸ் சமப்படுத்தியது. ஜுவென்டஸ் சார்பாகப் பெறப்பட்ட கோலை மனுவல் லொகடெல்லி பெற்றதோடு, றோமா சார்பாகப் பெறப்பட்ட கோலை எல்டர் ஷொமுரோடோவ் பெற்றிருந்தார்.

சீரி ஏ புள்ளிகள் பட்டியலில் 68 புள்ளிகளுடன் முதலாமிடத்தில் நடப்புச் சம்பியன்களான இன்டர் மிலன் காணப்படுகின்றது. 64 புள்ளிகளுடன் இரண்டாமிடத்தில் நாபோலியும், 58 புள்ளிகளுடன் மூன்றாமிடத்தில் அத்லாண்டாவும், 56 புள்ளிகளுடன் நான்காமிடத்தில் பொலொக்னாவும் காணப்படுகின்றன. இதில் மற்றைய அணிகளை விட நாப்போலியும், பொலொக்னாவும் ஒரு போட்டி குறைவாக விளையாடியுள்ளன.