அத்லெட்டிகோவை வீழ்த்திய பார்சிலோனா

ஸ்பானிய கால்பந்தாட்டக் கழகங்களுக்கிடையிலான லா லிகா தொடரில், பார்சிலோனாவின் மைதானத்தில் நேற்று முன்தினம் நடைபெற்ற அத்லெட்டிகோ மட்ரிட்டுடனான போட்டியில் 4-2 என்ற கோல் கணக்கில் பார்சிலோனா வென்றது.

பார்சிலோனா சார்பாக, ஜோர்டி அல்பா, கவி, றொனால்ட் அரஜுவோ, டனி அல்விஸ் ஆகியோர் தலா ஒவ்வொரு கோலைப் பெற்றனர். அத்லெட்டிகோ சார்பாக, யனிக் கராஸ்கோ, லூயிஸ் சுவாரஸ் ஆகியோர் தலா ஒவ்வொரு கோலைப் பெற்றனர்.

அந்தவகையில், லா லிகா புள்ளிகள் பட்டியலில் முதலிடத்தில் 53 புள்ளிகளுடன் றியல் மட்ரிட் உள்ளது. இரண்டாமிடத்தில் 47 புள்ளிகளுடன் செவிய்யாவுடன், மூன்றாமிடத்தில் 40 புள்ளிகளுடன் றியல் பெட்டிஸும், நான்காமிடத்தில் 38 புள்ளிகளுடன் பார்சிலோனா உள்ளது. இதில், பார்சிலோனா ஒரு போட்டி குறைவாக விளையாடியுள்ளது.