அத்லெட்டிகோவை வென்ற றியல்

ஸ்பானியக் கால்பந்தாட்டக் கழகங்களுக்கு இடையிலான லா லிகா தொடரில், நடப்புச் சம்பியன்களான றியல் மட்ரிட்டின் பயிற்சி மைதானத்தில் இன்று அதிகாலை நடைபெற்ற அவ்வணிகும், அத்லெட்டிகோ மட்ரிடுக்குமிடையிலான போட்டியில் 2-0 என்ற கோல் கணக்கில் றியல் மட்ரிட் வென்றது.

றியல் மட்ரிட் சார்பாக, கஸேமீரோ ஒரு கோலைப் பெற்றதோடு, மற்றைய கோல் ஓவ்ண் கோல் முறையில் பெறப்பட்டிருந்தது.

இந்நிலையில், வலென்சியாவின் மைதானத்தில் நேற்றிரவு நடைபெற்ற அவ்வணிக்கும், அத்லெட்டிகோ பில்பாவோவுக்குமிடையிலான போட்டியானது 2-2 என்ற கோல் கணக்கில் சமநிலையில் முடிவடைந்திருந்தது. வலென்சியா சார்பாக, கார்லோஸ் சொலர், மனு வல்லெஜோ ஆகியோர் தலா ஒவ்வொரு கோலைப் பெற்றதோடு, பில்பாவோ சார்பாக, ஆசியர் வில்லாலிப்ரே, றாவுல் கர்சியா ஆகியோர் தலா ஒவ்வொரு கோலைப் பெற்றனர்.