இங்கிலாந்துக் குழாமில் ஜோ றூட்

சர்வதேச கிரிக்கெட் சபையின் சம்பியன்ஸ் கிண்ணத் தொடருக்கான மற்றும் அதற்கு முன்னதான இந்தியாவுக்கெதிரான ஒருநாள் சர்வதேசப் போட்டித் தொடருக்கான இங்கிலாந்துக் குழாமில் ஜோ றூட் இடம்பெற்றுள்ளார்.

உலகக் கிண்ணத் தொடரிலேயே இறுதியாக விளையாடியிருந்த றூட், ஓராண்டுக்குப் பின்னர் தற்போதே மீண்டும் ஒருநாள் சர்வதேசப் போட்டிக் குழாமொன்றில் இடம்பெற்றுள்ளார்.

இதேவேளை ஜேமி ஒவெர்ட்டன், பிறைடன் கார்ஸ், சஹிப் மஹ்மூட், ஜேக்கப் பெத்தெல், ஜேமி ஸ்மித் ஆகியோர் குழாமில் இடம்பெற்றுள்ள நிலையில் சாம் கர்ரன், றீஸ் டொப்லி, வில் ஜக்ஸ், மத்தியூ பொட்ஸ் ஆகியோர் குழாமில் இடம்பெறவில்லை.

குழாம்: ஜொஸ் பட்லர் (அணித்தலைவர்), ஜொஃப்ரா ஆர்ச்சர், குஸ் அட்கின்ஸன், ஜேக்கப் பெத்தெல், ஹரி ப்றூக், பிறைடன் கார்ஸ், பென் டக்கெட், ஜேமி ஒவெர்ட்டன், ஜேமி ஸ்மித், லியம் லிவிங்ஸ்டோன், அடில் ரஷீட், ஜோ றூட், சஹிப் மஹ்மூட், பில் ஸோல்ட், மார்க் வூட்.