இங்கிலாந்து, நெதர்லாந்து, ஜேர்மனி வென்றன

தேசங்களுக்கான லீக் தொடரில், அயர்லாந்தில் சனிக்கிழமை (07) நடைபெற்ற அவ்வணியுடனான குழு எஃப் போட்டியில் 2-0 என்ற கோல் கணக்கில் இங்கிலாந்து வென்றது.

இங்கிலாது சார்பாக, டெக்லன் றைஸ், ஜக் கிரெலிஷ் ஆகியோர் தலா ஒவ்வொரு கோலைப் பெற்றனர்.

இதேவேளை தமது நாட்டில் ஞாயிற்றுக்கிழமை (08) நடைபெற்ற பொஸ்னியா மற்றும் ஹெர்ஸிகோவினாவுடனான குழு சி போட்டியில் 5-2 என்ற கோல் கணக்கில் நெதர்லாந்து வென்றதுடன், தம்நாட்டில் நடைபெற்ற ஹங்கேரியுடனான இன்னொரு குழு சி போட்டியில் 5-0 என்ற கோல் கணக்கில் ஜேர்மனி வென்றது.