இந்திய அணியின் அடுத்த கெப்டன் யார்?

புதுடெல்லி,

இந்திய அணியின் டெஸ்ட் கிரிக்கெட் கேப்டன் விராட் கோஹ்லி கெப்டன் பொறுப்பில் இருந்து விலகுவதாக,  கடந்த சனிக்கிழமை (15) அறிவித்தார். தென் ஆப்பிரிக்க அணிக்கு எதிரான டெஸ்ட் தொடர் முடிவடைந்த சில தினங்களில் டெஸ்ட் கிரிக்கெட் கெப்டன் பொறுப்பில் இருந்து கோஹ்லி விலகியது ரசிகர்களை பெரும் அதிர்ச்சிக்குள்ளாக்கியது.

இந்த நிலையில் இந்திய டெஸ்ட் கிரிக்கெட் அணியின் அடுத்த கெப்டனாக விக்கெட் கீப்பர் ரிஷாப் பண்டை நியமிக்கலாம் என்று இந்திய கிரிக்கெட் அணியின் முன்னாள் கெப்டன் சுனில் கவாஸ்கர் தெரிவித்துள்ளார்.

இளம் வீரரான ரிஷாப் பண்டுக்கு கெப்டன் பொறுப்பை வழங்கினால் அவர் 3 வடிவிலான போட்டியிலும் இன்னும் சிறப்பாக செயல்பட உதவிகரமாக இருக்கும் என்றும் அவர் கூறியுள்ளார்.