இன்டர் தோற்றது; நாப்போலி வென்றது

இத்தாலிய கால்பந்தாட்டக் கழகங்களுக்கிடையிலான சீரி ஏ தொடரில், நேற்று இடம்பெற்ற போட்டிகளில் இன்டர் மிலன் தோற்றிருந்த நிலையில், நாப்போலி வென்றது.

தமது மைதானத்தில் இடம்பெற்ற பர்மா அணியுடனான போட்டியில் 0-1 என்ற கோல் கணக்கில் இன்டர் மிலன் தோற்றிருந்தது. இப்போட்டியில் பர்மா அணி சார்பாகப் பெறப்பட்ட கோலை, இன்டர் மிலன் அணியால் கடனாக வழங்கப்பட்டிருந்த பெடெரிக்கோ டிமார்கோ பெற்றார்.

இந்நிலையில், தமது மைதானத்தில் இடம்பெற்ற பியொன்ரென்டினா அணியுடனான போட்டியில் 1-0 என்ற கோல் கணக்கில் நாப்போலி வென்றது. நாப்போலி சார்பாகப் பெறப்பட்ட கோலை லொரென்ஸோ இன்சீனியா பெற்றார்.