இன்டர் மிலனை வென்ற ஜுவென்டஸ்

இத்தாலியக் கால்பந்தாட்டக் கழகங்களுக்கிடையிலான விலகல் முறையிலான இத்தாலிய கிண்ணத் தொடரில், இன்டர் மிலனின் மைதானத்தில் இன்று அதிகாலை நடைபெற்ற அவ்வணியுடனான முதலாவது சுற்று அரையிறுதிப் போட்டியில் 2-1 என்ற கோல் கணக்கில் ஜுவென்டஸ் வென்றது.

ஜுவென்டஸ் சார்பாகப் பெறப்பட்ட இரண்டு கோல்களையும் கிறிஸ்டியானோ ரொனால்டோ பெற்றதுடன், இன்டர் மிலன் சார்பாகப் பெறப்பட்ட கோலை லொட்டரோ மார்ட்டின்ஸ் பெற்றிருந்தார்.

இரண்டு அணிகளுக்குமிடையிலான இரண்டாவது சுற்று அரையிறுதிப் போட்டியானது ஜுவென்டஸின் மைதானத்தில் எதிர்வரும் புதன்கிழமை இலங்கை நேரப்படி அதிகாலை 1.15 மணிக்கு இடம்பெறவுள்ளது.