இரண்டாமிடங்களுக்கு முன்னேறிய வில்லியம்ஸன், வக்னர்

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களின் தரவரிசையில் இரண்டாமிடத்துக்கு, நியூசிலாந்தின் அணித்தலைவர் கேன் வில்லியம்ஸன் முன்னேறியுள்ளதோடு, பந்துவீச்சாளர்களின் தரவரிசையில் இரண்டாமிடத்துக்கு நீல் வக்னர் முன்னேறியுள்ளார்.

மேற்கிந்தியத் தீவுகளுக்கெதிரான முதலாவது டெஸ்ட் போட்டியில் 251 ஓட்டங்களைப் பெற்றதைத் தொடர்ந்தே, நான்காமிடத்திலிருந்து இரண்டு இடங்கள் முன்னேறி இந்தியாவின் அணித்தலைவர் விராட் கோலியுடன் இரண்டாமிடத்தை கேன் வில்லியம்ஸன் பகர்ந்து கொண்டுள்ளார்.

இதேவேளை, குறித்த போட்டியில் 86 ஓட்டங்களைப் பெற்ற நியூசிலாந்தின் துடுப்பாட்டவீரர் டொம் லேதம், 12ஆம் இடத்திலிருந்து இரண்டு இடங்கள் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஸ்டீவ் ஸ்மித், 2. கேன் வில்லியம்ஸன், விராட் கோலி, 4. மர்னுஸ் லபுஷைன், 5. பாபர் அஸாம், 6. டேவிட் வோணர், 7. செட்டேஸ்வர் புஜாரா, 8. பென் ஸ்டோக்ஸ், 9. ஜோ றூட், 10. டொம் லேதம்.

இந்நிலையில், குறிப்பிட்ட டெஸ்டில் ஆறு விக்கெட்டுகளைக் கைப்பற்றியதையடுத்தே மூன்றாமிடத்திலிருந்து ஓரிடம் முன்னேறி இரண்டாமிடத்தை நீல் வக்னர் அடைந்துள்ளார்.

1. பற் கமின்ஸ், 2. நீல் வக்னர், 3. ஸ்டூவர்ட் ப்ரோட், 4. டிம் செளதி, 5. ககிஸோ றபாடா, 6. மிற்செல் ஸ்டார்க், 7. ஜேஸன் ஹோல்டர், 8. ஜேம்ஸ் அன்டர்ஸன், 9. ஜஸ்பிரிட் பும்ரா, 10. ஜொஷ் ஹேசில்வூட்.

முதல் ஐந்து சகலதுறைவீரர்களின் தரவரிசை பின்வருமாறு,

1. பென் ஸ்டோக்ஸ், 2. ஜேஸன் ஹோல்டர், 3. இரவீந்திர ஜடேஜா, 4. ஷகிப் அல் ஹஸன், 5. மிற்செல் ஸ்டார்க்.