இரண்டாமிடத்துக்கு முன்னேறிய கமின்ஸ்

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களின் தரவரிசையில் இரண்டாமிடத்துக்கு அவுஸ்திரேலியாவின் பற் கமின்ஸ் முன்னேறியுள்ளார்.

இங்கிலாந்துக்கெதிரான 3ஆவது டெஸ்டில் 6 விக்கெட்டுகளைக் கைப்பற்றியதைத் தொடர்ந்தே ஆறாமிடத்திலிருந்து நான்கு இடங்கள் முன்னேறி இரண்டாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. பற் கமின்ஸ், 3. மிற்செல் ஸ்டார்க், 4. நொமன் அலி, 5. மற் ஹென்றி, 6. மார்கோ ஜன்சன், 7. ககிஸோ றபாடா, 8. ஜொஷ் ஹேசில்வூட், 9. ஸ்கொட் போலண்ட், 10. நேதன் லையன்.

இதேவேளை குறித்த டெஸ்டில் 180 ஓட்டங்களைப் பெற்ற அவுஸ்திரேலியாவின் ட்ரெவிஸ் ஹெட், துடுப்பாட்டவீரர்களுக்கான தரவரிசையில் ஏழாமிடத்திலிருந்து நான்கு இடங்கள் முன்னேறி மூன்றாமிடத்தையடைந்துள்ளார்.

இதுதவிர இப்போட்டியில் 178 ஓட்டங்களைப் பெற்ற அவுஸ்திரேலியாவின் அலெக்ஸ் காரி, 15ஆம் இடத்திலிருந்து ஆறு இடங்கள் முன்னேறி ஒன்பதாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. கேன் வில்லியம்சன், 3. ஸ்டீவ் ஸ்மித், ட்ரெவிஸ் ஹெட், 5. ஹரி ப்றூக், 6. கமிந்து மென்டிஸ், 7. தெம்பா பவுமா, 8. யஷஸ்வி ஜைஸ்வால், 9. அலெக்ஸ் காரி, 10. செளட் ஷகீல்

இந்நிலையில் மேற்கூறப்பட்ட டெஸ்டில் 61 ஓட்டங்களைப் பெற்றதோடு 4 விக்கெட்டுகளைக் கைப்பற்றிய அவுஸ்திரேலியாவின் மிற்செல் ஸ்டார்க், சகலதுறைவீரர்களுக்கான தரவரிசையில் ஐந்தாமிடத்திலிருந்து இரண்டு இடங்கள் முன்னேறி மூன்றாமிடத்தையடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. மார்கோ ஜன்சன், 3. மிற்செல் ஸ்டார்க், பென் ஸ்டோக்ஸ், 5. மெஹிடி ஹஸன் மிராஸ்.

இதேவேளை தென்னாபிரிக்காவுக்கெதிரான ஐந்தாவது இருபதுக்கு – 20 சர்வதேசப் போட்டியில் 73 ஓட்டங்களைப் பெற்ற இந்தியாவின் திலக் வர்மா, துடுப்பாட்டவீரர்களுக்கான தரவரிசையில் நான்காமிடத்திலிருந்து ஓரிடம் முன்னேறி மூன்றாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. அபிஷேக் ஷர்மா, 2. பில் ஸோல்ட், 3. திலக் வர்மா, 4. பதும் நிஸங்க, 5. ஜொஸ் பட்லர், 6. சஹிப்ஸடா பர்ஹான், 7. ட்ரெவிஸ் ஹெட், 8. மிற்செல் மாஷ், 9. டிம் செய்ஃபேர்ட், 10. டெவால்ட் பிறெவிஸ்

முதல் 10 பந்துவீச்சாளர்களின் தரவரிசை பின்வருமாறு,

1. வருண் சக்கரவர்த்தி, 2. ஜேக்கப் டஃபி, 3. ரஷீட் கான், 4. அப்ரார் அஹ்மட், 5. வனிது ஹசரங்க, 6. அடில் ரஷீட், 7. அகீல் ஹொஸைன், 8. முஸ்தபிசூர் ரஹ்மான், 9. நாதன் எலிஸ், 10. அடம் ஸாம்பா.

முதல் ஐந்து சகலதுறைவீரர்களின் தரவரிசை பின்வருமாறு,

1. சைம் அயூப், 2. சிகண்டர் ராசா, 3. றொஸ்டன் சேஸ், 4. ஹர்திக் பாண்டியா, 5. மொஹமட் நவாஸ்.