இறுதிப் போட்டியில் ஐவரி கோஸ்ட், நைஜீரியா

தேசங்களுக்கான ஆபிரிக்கக் கிண்ணத் தொடரின் இறுதிப் போட்டிக்கு ஐவரிகோஸ்ட், நைஜீரியா ஆகியன தகுதி பெற்றுள்ளன.

தம் நாட்டில் நடைபெற்று வரும் இத்தொடரில் நேற்று அதிகாலை நடைபெற்ற கொங்கோ ஜனநாயகக் குடியரசுடனான அரையிறுதிப் போட்டியில் வென்றே இறுதிப் போட்டிக்கு ஐவரி கோஸ்ட் தகுதி பெற்றுள்ளது.

ஐவரி கோஸ்ட் சார்பாகப் பெறப்பட்ட கோலை செபஸ்டியன் ஹாலர் பெற்றிருந்தார்.

இதேவேளை, நேற்று முன்தினமிரவு தென்னாபிரிக்காவுடனான அரையிறுதிப் போட்டியில் வென்று இறுதிப் போட்டிக்கு நைஜீரியா தகுதி பெற்றிருந்தது.

போட்டியின் வழமையான நேரத்தில் இரண்டு அணிகளும் தலா ஒவ்வொரு கோலைப் பெற்ற நிலையில், 4-2 என்ற ரீதியில் பெனால்டியில் வென்றே இறுதிப் போட்டிக்கு நைஜீரியா தகுதி பெற்றிருந்தது.