இறுதி நேரத்தில் விலகிய கொம்பனி

மன்செஸ்டர் சிற்றி அணியின் தலைவர் வின்சென்ட் கொம்பனி, தனது நாடான பெல்ஜியம் அணிக்கும் நெதர்லாந்து அணிக்கும் இடையிலான போட்டியிலிருந்து, இறுதி நேரத்தில் விலகியிருந்தார்.

புதன்கிழமை இடம்பெற்ற இப்போட்டியில், கொம்பனி பங்குபற்றுவார் என எதிர்பார்க்கப்பட்டிருந்த போதிலும், இறுதி நேரத்திலேயே அவர் விலகியிருந்தார். அப்போட்டி, 1-1 என்ற கோல் கணக்கில் சமநிலையில் முடிவடைந்திருந்தது.

அவருக்கு உபாதை ஏதும் ஏற்பட்டிருக்காத போதிலும், போட்டிக்கு முன்னைய பயிற்சிகளைத் தொடர்ந்து, உச்ச உடற்றகுதியோடு இருப்பதாக அவர் உணராத காரணத்தாலேயே, போட்டியிலிருந்து விலகியதாக அறிவிக்கப்படுகிறது.
30 வயதான கொம்பனி, அண்மைக்காலத்தில் அதிக காயங்களைச் சந்தித்திருந்தமை குறிப்பிடத்தக்கது.