இலங்கைக்கெதிரான முதலாவது டெஸ்டில் வெற்றியை நோக்கி இங்கிலாந்து

இலங்கை, இங்கிலாந்து அணிகளுக்கிடையிலான இரண்டு போட்டிகள் கொண்ட டெஸ்ட் தொடரில், காலியில் கடந்த செவ்வாய்க்கிழமை ஆரம்பித்த முதலாவது டெஸ்டின் இன்றைய மூன்றாவது நாளில் வெற்றியை நோக்கி பயணித்த வண்ணம் இங்கிலாந்து காணப்படுகிறது.

இன்றைய மூன்றாம் நாளை, தமது இரண்டாவது இனிங்ஸில் விக்கெட் இழப்பின்றி 38 ஓட்டங்களைப் பெற்றவாறு ஆரம்பித்த இங்கிலாந்து, 6 விக்கெட் இழப்புக்கு 322 ஓட்டங்களைப் பெற்றபோது தமது ஆட்டத்தை இடைநிறுத்தி, இலங்கைக்கு இரண்டாவது இனிங்ஸில் 462 ஓட்டங்களை வெற்றியிலக்காக வழங்கியுள்ளது.

இந்நிலையில், தமது இரண்டாவது இனிங்ஸில் துடுப்பெடுத்தாடி வரும் இலங்கையணி இன்றைய மூன்றாம் நாள் ஆட்ட முடிவில் விக்கெட் இழப்பின்றி 15 ஓட்டங்களைப் பெற்றுள்ளது.

ஸ்கோர் விவரம்:

நாணயச் சுழற்சி: இங்கிலாந்து

இங்கிலாந்து: 342/10 (துடுப்பாட்டம்: பென் போக்ஸ் 107, சாம் கர்ரன் 48, கீட்டன் ஜெனிங்ஸ் 46, அடில் ரஷீட் 35, ஜோ றூட் 35 ஓட்டங்கள். பந்துவீச்சு: டில்ருவான் பெரேரா 5/75, சுரங்க லக்மால் 3/73)

இலங்கை: 203/10 (துடுப்பாட்டம்: அஞ்சலோ மத்தியூஸ் 52, தினேஷ் சந்திமால் 33, நிரோஷன் டிக்வெல்ல 28 ஓட்டங்கள். பந்துவீச்சு: மொயின் அலி 4/66, அடில் ரஷீட் 2/30, ஜேக் லீச் 2/41)

இங்கிலாந்து: 322/6 (துடுப்பாட்டம்: கீட்டன் ஜெனிங்ஸ் ஆ.இ 146, பென் ஸ்டோக்ஸ் 62, பென் போக்ஸ் 37, ஜொஸ் பட்லர் 35 ஓட்டங்கள். பந்துவீச்சு: ரங்கன ஹேரத் 2/59, டில்ருவான் பெரேரா 2/94)

இலங்கை: 15/0