ஐந்தாமிடத்துக்கு முன்னேறினார் பண்ட்

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களின் தரவரிசையில் ஐந்தாமிடத்துக்கு இந்தியாவின் றிஷப் பண்ட் முன்னேறியுள்ளார்.

இங்கிலாந்துக்கெதிரான ஐந்தாவது டெஸ்டில் 203 ஓட்டங்களைப் பெற்றதைத் தொடர்ந்தே 10ஆம் இடத்திலிருந்து ஐந்து இடங்கள் முன்னேறி ஐந்தாமிடத்தை பண்ட் அடைந்துள்ளார்.

இதேவேளை, இதே டெஸ்டில் 220 ஓட்டங்களைப் பெற்ற இங்கிலாந்தின் ஜொனி பெயார்ஸ்டோ, 21ஆம் இடத்திலிருந்து 11 இடங்கள் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. மர்னுஸ் லபுஷைன், 3. ஸ்டீவ் ஸ்மித், 4. பாபர் அஸாம், 5. றிஷப் பண்ட், 6. கேன் வில்லியம்ஸன், 7. உஸ்மான் கவாஜா, 8. திமுத் கருணாரத்ன, 9. றோஹித் ஷர்மா, 10. ஜொனி பெயார்ஸ்டோ.

இதேவேளை குறித்த டெஸ்டில் 6 விக்கெட்டுகளைக் கைப்பற்றிய இங்கிலாந்தின் ஜேம்ஸ் அன்டர்சன், ஏழாம் இடத்திலிருந்து ஓரிடம் முன்னேறி ஆறாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. பற் கமின்ஸ், 2. இரவிச்சந்திரன் அஷ்வின், 3. ஜஸ்பிரிட் பும்ரா, 4. ஷகீன் ஷா அஃப்ரிடி, 5. ககிஸோ றபாடா, 6. ஜேம்ஸ் அன்டர்சன், 7. கைல் ஜேமிஸன், 8. கேமார் றோச், 9. நீல் வக்னர், 10. ஜொஷ் ஹேசில்வூட்.