காயமடைந்துள்ள மத்தியூஸ் தென்னாபிரிக்கத் தொடரை தவறவிடுகிறாரா?

தென்னாபிரிக்காவுக்கான இலங்கையின் சுற்றுப்பயணத்தில் அஞ்சலோ மத்தியூஸ் இருக்க மாட்டார் எனக் கருதப்படுகிறது.

இலங்கையின் உள்ளூர் இருபதுக்கு – 20 தொடரான லங்கா பிறீமியர் லீக்கின் அரையிறுதிப் போட்டியில் பின்தொடைத்தசைநார் காயத்துக்குள்ளான நிலையிலேயே இச்சுற்றுப்பயணத்தை மத்தியூஸ் தவறவிடுவார் என எதிர்பார்க்கப்படுகிறது.

மத்தியூஸின் காயம் எவ்வளவு பாரதூரமானது என இன்னும் அறியப்படாத நிலையில், ஆரம்பகட்டத் தகவல்களின்படி தென்னாபிரிக்காவில் இடம்பெறவுள்ளவுள்ள இரண்டு டெஸ்ட்களை தவறவிடுவார் என எதிர்பார்க்கப்படுகிறது.

இந்நிலையில், அடுத்த மாதம் 14ஆம் திகதி ஆரம்பிக்கும் இங்கிலாந்துக்கெதிரான டெஸ்ட் போட்டிகளுக்கு மத்தியூஸால் திரும்ப முடியும் என எதிர்பார்க்கப்படுகிறது.