கிரான்ட் ஸ்லாம்களில் புது விதிகள்

அடுத்தாண்டு முதல் கிரான்ட் ஸ்லாம்களில் புது விதிகள் அறிமுகப்படுத்தப்படுகின்றன. அந்தவகையில், அடுத்தாண்டு இடம்பெறவுள்ள கிரான்ட் ஸ்லாம்களில், அரங்களுக்குள் நுழைந்து, ஏழு நிமிடங்களுக்குள் விளையாடத் தயாரகவிட்டால், 20,000 ஐக்கிய அமெரிக்க டொலர்கள் அபராதம் விதிக்கப்படவுள்ளது.

இதேவேளை பரிட்சார்த்தமாக, அடுத்தாண்டு அவுஸ்திரேலிய பகிரங்க டென்னிஸ் தொடரின்போது புள்ளியொன்றைப் பெற்று 25 செக்கன்களுக்குள் சேர்வ் செய்ய வேண்டும் என்ற நடைமுறை அமுலுக்கு வருகிறது.

இதுதவிர, 2019ஆம் ஆண்டு முதல், ஆண்டின் கிரான்ட் ஸ்லாம் பட்டங்களான, அவுஸ்திரேலிய பகிரங்க டென்னிஸ் தொடர், பிரெஞ்சுப் பகிரங்க டென்னிஸ் தொடர், விம்பிள்டன், ஐக்கிய அமெரிக்க பகிரங்கத் தொடர் ஆகிய நான்கிலும் இதுவரை தொடரொன்றுக்காக தரப்படுத்தப்படும் முன்னிலை 32 வீரர்களுக்குப் பதிலாக, முன்னிலை வீரர்கள் 16 பேர் தரப்படுத்தப்படவுள்ளனர்.