சமநிலையில் அத்லெட்டிகோ – கெட்டாஃபே போட்டி

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், கெட்டாபேயின் மைதானத்தில், இன்று அதிகாலை நடைபெற்ற அவ்வணிக்கும், அத்லெட்டிகோ மட்ரிட்டுக்குமிடையிலான போட்டியானது, 0-0 என்ற கோல் கணக்கில் சமநிலையில் முடிவடைந்தது.

அந்தவகையில், லா லிகா புள்ளிகள் பட்டியலில், 63 புள்ளிகளுடன் முதலாமிடத்தில் அத்லெட்டிகோ உள்ளது. 57 புள்ளிகளுடன் இரண்டாமிடத்தில் நடப்புச் சம்பியன்கள் றியல் மட்ரிட் காணப்படுவதுடன், மூன்றாமிடத்தில் 56 புள்ளிகளுடன் பார்சிலோனாவும், 48 புள்ளிகளுடன் நான்காமிடத்தில் செவில்லாவுமுள்ளன. இதில், பார்சிலோனா ஒரு போட்டி குறைவாகவும், செவில்லா இரண்டு போட்டிகள் குறைவாகவும் விளையாடியுள்ளன.