சமநிலையில் இத்தாலி நெதர்லாந்து போட்டி

இடம்பெற்றுவரும் சிநேகபூர்வ கால்பந்தாட்டப் போட்டிகளின் வரிசையில், நேற்று இடம்பெற்ற இத்தாலி, நெதர்லாந்து அணிகளுக்கிடையேயான போட்டியில் இரண்டு அணிகளும் தலா ஒவ்வொரு கோலைப் பெற்ற நிலையில் போட்டி சமநிலையில் முடிவடைந்தது. இத்தாலி சார்பாகப் பெறப்பட்ட கோலை சிமோனே ஸாஸா பெற்றிருந்ததோடு, நெதர்லாந்து சார்பாகப் பெறப்பட்ட கோலை நாதன் அகே பெற்றிருந்தார். இவ்விரண்டு அணிகளும் உலகக் கிண்ணத்துக்கு தகுதிபெறவில்லை என்பது குறிப்பிடத்தக்கது.

இதேவேளை, நேற்று  இடம்பெற்ற சேர்பியாவுடனான போட்டியில் குய்ல்லெர்மோ மரிபனால் பெற்ற கோலோடு 1-0 என்ற கோல் கணக்கில் சிலி வென்றது.