சமநிலையில் சிற்றி – பலஸ் போட்டி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், கிறிஸ்டல் பலஸின் மைதானத்தில் சனிக்கிழமை (07) நடைபெற்ற அவ்வணியுடனான போட்டியை 2-2 என்ற கோல் கணக்கில் நடப்புச் சம்பியன்களான மன்செஸ்டர் சிற்றி சமப்படுத்தியது.

சிற்றி சார்பாக எர்லிங்க் ஹலான்ட், றிக்கோ லூயிஸ் ஆகியோர் தலா ஒவ்வொரு கோலைப் பெற்றனர். பலஸ் சார்பாக டேனியல் முனோஸ், மக்ஸென்ஸ் லக்குறொய்க்ஸ் ஆகியோர் தலா ஒவ்வொரு கோலைப் பெற்றனர்.

இதேவேளை தமது மைதானத்தில் நடைபெற்ற நொட்டிங்ஹாம் பொரெஸ்டுடனான போட்டியில் 2-3 என்ற கோல் கணக்கில் மன்செஸ்டர் யுனைட்டெட் தோற்றது. யுனைட்டெட் சார்பாக றஸ்மஸ் ஹொஜ்லுன்ட், புரூனோ பெர்ணாண்டஸ் ஆகியோர் தலா ஒவ்வொரு கோலைப் பெற்றனர். பொரெஸ்ட் சார்பாக நிகொலா மிலெங்கோவிச், மோர்கன் கிப்ஸ்-வைட், கிறிஸ் வூட் ஆகியோர் தலா ஒவ்வொரு கோலைப் பெற்றனர்.