சமநிலையில் லேஸியோ - உடினிஸ் போட்டி

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், தமது மைதானத்தில் செவ்வாய்க்கிழமை (11) அதிகாலை நடைபெற்ற உடினிஸுடனான போட்டியை 1-1 என்ற கோல் கணக்கில் லேஸியோ சமப்படுத்தியது.

லேஸியோ சார்பாகப் பெறப்பட்ட கோலை அலெஸ்ஸியோ றொமக்னொலி பெற்றதோடு, உடினிஸ் சார்பாகப் பெறப்பட்ட கோலை புளோரியன் தோவன் பெற்றிருந்தார்.

சீரி ஏ புள்ளிகள் பட்டியலில் 61 புள்ளிகளுடன் முதலாமிடத்தில் நடப்புச் சம்பியன்களான இன்டர் மிலன் காணப்படுகின்றது. 60 புள்ளிகளுடன் இரண்டாமிடத்தில் நாப்போலியும், 58 புள்ளிகளுடன் மூன்றாமிடத்தில் அத்லாண்டாவும், 52 புள்ளிகளுடன் நான்காமிடத்தில் ஜுவென்டஸும் காணப்படுகின்றன.