சம்பியன்ஸ் லீக்: அரையிறுதியில் பார்சிலோனா

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரின் அரையிறுதிப் போட்டிக்கு ஸ்பானிய லா லிகா கழகமான பார்சிலோனா முன்னேறியுள்ளது.
ஜேர்மனிய புண்டெலிஸ்கா கழகமான பொரூசியா டொட்டமுண்டை 5-3 என்ற மொத்த கோல் கணக்கில் காலிறுதிப் போட்டியில் வென்றே அரையிறுதிப் போட்டிக்கு பார்சிலோனா தகுதி பெற்றுள்ளது.

டொட்டமுண்டின் மைதானத்தில் புதன்கிழமை (16) அதிகாலை நடைபெற்ற இரண்டாவது சுற்றுப் போட்டியில் 1-3 என்ற கோல் கணக்கில் தோற்றபோதும், தமது மைதானத்தில் நடைபெற்ற முதலாவது சுற்றுப் போட்டியில் 4-0 என்ற கோல் கணக்கில் வென்ற நிலையிலேயே 5-3 என்ற மொத்த கோல் கணக்கில் பார்சிலோனா வென்றிருந்தது.