Shanmugan Murugavel / 2025 ஜூலை 08 , மு.ப. 10:07 - 0 - {{hitsCtrl.values.hits}}
சிம்பாப்வேக்கெதிரான இரண்டாவது டெஸ்டில் ஆட்டமிழக்காமல் 367 ஓட்டங்களை தென்னாபிரிக்காவின் பதிலணித்தலைவர் வியான் முல்டர் பெற்றுள்ளார். டெஸ்ட்களில் பெறப்பட்ட ஐந்தாவது அதிகபட்ச ஓட்டங்கள் இதுவாகும்.
இரண்டு போட்டிகள் கொண்ட தொடரில், புலவாயோவில் ஞாயிற்றுக்கிழமை (06) ஆரம்பித்த இப்போட்டியின் இரண்டாம் நாளை தமது முதலாவது இனிங்ஸில் 4 விக்கெட்டுகளை இழந்து 465 ஓட்டங்களைப் பெற்றவாறு ஆரம்பித்த தென்னாபிரிக்கா, 5 விக்கெட்டுகளை இழந்து 626 ஓட்டங்களைப் பெற்ற நிலையில் தமது இனிங்ஸ்ஸை இடைநிறுத்தியது. கைல் வெரைன் ஆட்டமிழக்காமல் 42 ஓட்டங்களைப் பெற்றிருந்தார். வீழ்த்தப்பட்ட விக்கெட்டை குன்டாய் மடிஜிமு பெற்றிருந்தார்.
பதிலுக்கு தமது முதலாவது இனிங்ஸில் துடுப்பெடுத்தாடிய சிம்பாப்வே, கோடி யூசுஃப் (2), கொர்பின் பொஷ், முல்டர் (2), செனுரன் முத்துசாமி, பிரெனெலன் சுப்ரயனிடம் (4) விக்கெட்டுகளைப் பறிகொடுத்து சகல விக்கெட்டுகளையும் இழந்து 170 ஓட்டங்களையே பெற்றது. ஷோன் வில்லியம்ஸ் ஆட்டமிழக்காமல் 83 ஓட்டங்களைப் பெற்றார்.
இந்நிலையில் பொலோ ஒன் முறையில் தமது இரண்டாவது இனிங்ஸில் துடுப்பெடுத்தாடி வரும் சிம்பாப்வே, இரண்டாம் நாள் முடிவில் ஒரு விக்கெட் இழப்புக்கு 51 ஓட்டங்களைப் பெற்றுள்ளது. களத்தில் தகுட்ஸ்வனஷே கைட்டானோ 34 ஓட்டங்களுடன், நிக் வெல்ஷ் ஆறு ஓட்டங்களுடன் ஆட்டமிழக்காமல் உள்ளனர். வீழ்த்தப்பட்ட விக்கெட்டை பொஷ் கைப்பற்றினார்.
8 hours ago
20 Jul 2025
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
8 hours ago
20 Jul 2025
