செவில்லாவிடம் தோற்ற நடப்புச் சம்பியன்கள்

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், செவில்லாவின் மைதானத்தில் நேற்று அதிகாலை நடைபெற்ற நடப்புச் சம்பியன்கள் அத்லெட்டிகோ மட்ரிட்டுடனான போட்டியில் 2-1 என்ற கோல் கணக்கில் செவில்லா வென்றது.

செவில்லா சார்பாக, இவான் றகிட்டிச், லூகாஸ் ஒக்கொம்பஸ் ஆகியோர் தலா ஒவ்வொரு கோலைப் பெற்றதோடு, அத்லெட்டிகோ சார்பாகப் பெறப்பட்ட கோலை பிலிப் பெற்றிருந்தார்.