தரவரிசையில் 22 இடங்கள் முன்னேறினார் திஸர

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான துடுப்பாட்டவீரர்களுக்கான தரவரிசை நேற்று வெளியிடப்பட்டுள்ள நிலையில், 22 இடங்கள் முன்னேறிய திஸர பெரேரா 65ஆம் இடத்தைப் பிடித்துள்ளார்.

நியூசிலாந்துக்கெதிரான ஒருநாள் சர்வதேசப் போட்டித் தொடரில், சதம், அரைச்சதம் பெற்றதைத் தொடர்ந்தே திஸர பெரேராவின் குறித்த முன்னேற்றம் நிகழ்ந்ததுடன், இத்தொடரில் இலங்கை சார்பாக ஓட்டங்களைப் பெற்ற நிரோஷன் டிக்வெல்ல, குசல் பெரேரா, தனுஷ்க குணதிலக ஆகியோரும் முன்னேறியுள்ளார்.

டிக்வெல்ல, ஓரிடம் முன்னேறி 26ஆம் இடத்தை அடைந்துள்ளதோடு, ஏழிடங்கள் முன்னேறிய குசல் பெரேரா 66ஆம் இடத்தை அடைந்துள்ளதோடு, 11 இடங்கள் முன்னேறிய தனுஷ்க குணதிலக 82ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. விராத் கோலி, 2. ரோகித் ஷர்மா, 3. றொஸ் டெய்லர், 4. ஜோ றூட், 5. பாபர் அஸாம், 6. டேவிட் வோணர், 7. பப் டு பிளெஸி, 8. ஷை ஹோப், 9. ஷீகர் தவான், 10. குயின்டன் டி கொக்

இதேவேளை, பந்துவீச்சாளர்களுக்கான தரவரிசையில், நியூசிலாந்துக்கெதிரான தொடரில் ஏழு விக்கெட்டுகளைக் கைப்பற்றிய இலங்கையணியின் மட்டுப்படுத்தப்பட்ட ஓவர்கள் கொண்ட போட்டிகளுக்கான அணித்தலைவர் லசித் மலிங்க, மூன்று இடங்கள் முன்னேறி 46ஆம் இடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. ரஷீட் கான், 3. குல்தீப் யாதவ், 4. கஜிஸோ றபாடா, 5. முஸ்தபிசூர் ரஹ்மான், 6. யுஸ்வேந்திர சஹால், அடில் ரஷீட், 8. முஜீப் உர் ரஹ்மான், 9. ஜொஷ் ஹேசில்வூட், 10. ட்ரெண்ட் போல்ட்.