நடப்புச் சம்பியன்களை வீழ்த்திய டொட்டென்ஹாம்

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், நடப்புச் சம்பியன்களான மன்செஸ்டர் சிற்றியின் மைதானத்தில் நேற்று நடைபெற்ற அவ்வணியுடனான போட்டியில் 3-2 என்ற கோல் கணக்கில் டொட்டென்ஹாம் ஹொட்ஸ்பர் வென்றது.

டொட்டென்ஹாம் சார்பாக, ஹரி கேன் இரண்டு கோல்களையும், டெஜான் குலுவென்ஸ்கி ஒரு கோலையும் பெற்றனர். சிற்றி சார்பாக, இல்கி குன்டோகன், றியாட் மஹ்ரேஸ் ஆகியோர் தலா ஒவ்வொரு கோலைப் பெற்றனர்.

இதேவேளை, செளதாம்டனின் மைதானத்தில் நடைபெற்ற அவ்வணியுடனான போட்டியில் 0-2 என்ற கோல் கணக்கில் எவெர்ற்றன் தோற்றது. செளதாம்டன் சார்பாக, ஸ்டூவர்ட் ஆர்ம்ஸ்ரோங்க், ஷேன் லொங் ஆகியோர் தலா ஒவ்வொரு கோலைப் பெற்றனர்.

இப்போட்டிகளின் முடிவில் பிறீமியர் லீக் புள்ளிகள் பட்டியலில் 63 புள்ளிகளுடன் முதலாமிடத்தில் சிற்றி உள்ளது. ஒரு போட்டி குறைவாக விளையாடியுள்ள லிவர்பூல், செல்சி, மன்செஸ்டர் யுனைட்டெட் என்பன 57, 50, 43 புள்ளிகளுடன் இரண்டாம், மூன்றாம், நான்காமிடங்களிலுள்ளன.