நாளை ஆரம்பிக்கிறது மூன்றாவது டெஸ்ட்

நியூசிலாந்து, இங்கிலாந்து அணிகளுக்கிடையிலான மூன்றாவது டெஸ்ட் போட்டியானது ஹமில்டனில் நாளை அதிகாலை 3.30 மணிக்கு ஆரம்பிக்கவுள்ளது.

மூன்று போட்டிகள் கொண்ட இத்தொடரின் முதலிரண்டு போட்டிகளையும் வென்று தொடரை இங்கிலாந்து ஏற்கெனவே கைப்பற்றியுள்ள நிலையில், சர்வதேச கிரிக்கெட் சபையின் டெஸ்ட் சம்பியன்ஷிப் இறுதிப் போட்டிக்குத் தகுதி பெறுவதற்கான போட்டியிலிருந்து நியூசிலாந்து வெளியேற்றப்பட்டுள்ளது.

இந்நிலையில் தனது குழந்தை பிறப்புக்காக இப்போட்டியை டெவோன் கொன்வே தவறவிடவுள்ள நிலையில் அவரை அணியில் வில் யங்க் பிரதியிடவுள்ளார்.

இத்தொடரில் டிம் செளதி மோசமாகச் செயற்பட்டபோதும் இப்போட்டியுடன் அவர் ஓய்வு பெறுகின்ற நிலையில அவர் அணியில் இடம்பெறுவாரென எதிர்பார்க்கப்படுகின்றது.

மறுபக்கமாக இங்கிலாந்து அணியில் மாற்றமெதுவுமிருக்காதெனக் கருதப்படுகின்றபோதும் ஸக் குறோலியிடமிருந்து நியூசிலாந்து மண்ணில் ஓட்டங்களை இங்கிலாந்து எதிர்பார்க்கிறது.