நெதர்லாந்து குரான் பிறீ: வென்ற லான்டோ நொரிஸ்

நெதர்லாந்து குரான் பிறீயில் பிரித்தானியாவின் லான்டோ நொரிஸ் வென்றார்.

ஞாயிற்றுக்கிழமை நடைபெற்ற இப்பந்தயத்தை முதலாமிடத்திலிருந்து ஆரம்பித்தபோதும் நடப்புச் சம்பியனான நெதர்லாந்தின் மக்ஸ் வெர்ஸ்டப்பனால் முந்தப்பட்டபோதும் மீண்டும் 18ஆவது சுற்றில் அவரை மீண்டும் முந்தியே மக்லரென் அணியின் நொரிஸ் வென்றார்.

றெட் புல் அணியின் வெர்ஸ்டப்பன் இரண்டாமிடத்தைப் பெற, பந்தயத்தை ஆறாமிடத்திலிருந்து ஆரம்பித்த மொனாக்கோவின் சார்ள் லெக்கலெர்க், மூன்றாமிடத்தைப் பெற்றார்.

இவ்வாண்டுக்கான போர்மியுலா வண் சம்பியன்ஷிப் புள்ளிகள் பட்டியலில் 295 புள்ளிகளுடன் முதலாமிடத்தில் வெர்ஸ்டப்பன் உள்ளார். இரண்டாமிடத்தில் 225 புள்ளிகளுடன் நொரிஸும், 192 புள்ளிகளுடன் மூன்றாமிடத்தில் பெராரி அணியின் லெக்கலெர்க்கும் காணப்படுகின்றனர்.