‘பங்களாதேஷுக்காக ஷகிப் மீண்டும் விளையாட மாட்டார்’

பங்களாதேஷுக்காக ஷகிப் அல் ஹஸன் மீண்டும் விளையாட மாட்டாரென அந்நாட்டின் விளையாட்டு ஆலோசகர் ஆசிர்ஃப் மஹ்மூட் பிரகடனப்படுத்தியுள்ளார்.

பதவியிலிருந்து அகற்றப்பட்ட பங்களாதேஷின் பிரதமர் ஷேய்க் ஹசீனாவுக்கு அவரது பிறந்தநாளில் ஷகிப் ஞாயிற்றுக்கிழமை (28) வாழ்த்துத் தெரிவித்தத்தையடுத்தே இந்நிலை ஏற்பட்டுள்ளது.

ஹசீனாவின் அவாமி லீக்கின் பாராளுமன்ற உறுப்பினராக ஷகிப் காணப்பட்டிருந்த நிலையில், பாகிஸ்தான் மற்றும் இந்தியாவுக்கெதிரான டெஸ்ட்களில் கடந்தாண்டு விளையாடியிருந்தபோதும் கடந்த 12 மாதங்களாக பங்களாதேஷ் அணிக்காக தெரிவு செய்யப்பட்டிருக்கவில்லை.