பயிற்சிப் போட்டி இரத்து

பங்களாதேஷில் வைத்து 2 டெஸ்ட் போட்டிகள் கொண்ட தொடரில் பங்குபற்றுவதற்காக அங்கு சென்றுள்ள அவுஸ்திரேலிய, தொடருக்கு முன்பாக விளையாடவிருந்த பயிற்சிப் போட்டியை இரத்துச் செய்துள்ளது. மோசமான வானிலை காரணமாக, மைதானம் தயாராக இல்லாத காரணத்தாலேயே, இந்தப் பயிற்சிப் போட்டி இரத்துச் செய்யப்பட்டுள்ளது.

பதுல்லாவில் இடம்பெறவிருந்த இப்போட்டி, இன்று ஆரம்பிக்கவிருந்தது. ஆனால், கடுமையான மழை காரணமாக, மைதானத்தில் நீர் தேங்கிக் காணப்படுவதோடு, விளையாட முடியாத நிலை காணப்படுகிறது.

ஏற்கெனவே, ஒப்பந்தப் பிரச்சினை காரணமாக, போட்டிகளில் பங்குபற்றாமலிருந்த அவுஸ்திரேலிய வீரர்கள், தற்போது பயிற்சிப் போட்டியையும் இழந்துள்ளனர்.