பிறீமியர் லீக்: வென்றது ஆர்சனல்

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், தமது மைதானத்தில் நேற்று  இடம்பெற்ற எவெர்ற்றனுடனான போட்டியில் 2-0 என்ற கோல் கணக்கில் ஆர்சனல் வென்றது. ஆர்சனல் சார்பாக, அலெக்ஸான்ட்ரே லகஸ்ரே, பியரி எம்ரிக் அபுமெயாங் ஆகியோர் தலா ஒவ்வொரு கோலைப் பெற்றனர்.

இதேவேளை, வெஸ்ட் ஹாம் யுனைட்டெட் அணியின் மைதானத்தில் நடைபெற்ற அவ்வணிக்கும் செல்சிக்குமிடையிலான போட்டியில் இரண்டு அணிகளும் கோலெதனையும் பெறாத நிலையில் 0-0 என்ற கோல் கணக்கில் சமநிலையில் முடிவடைந்தது.