போல்டை ஒப்பந்தத்திலிருந்து விடுவிக்கும் நியூசிலாந்து

நியூசிலாந்தின் வேகப்பந்துவீச்சாளரான ட்ரெண்ட் போல்டை, அவரது ஒப்பந்தத்திலிருந்து விடுவிப்பதற்கு அந்நாட்டு கிரிக்கெட் சபை இணங்கியுள்ளது.

தனது குடும்பத்துடன் மேலதிக நேரத்தை செலவிடுவதற்காகவும், இருபதுக்கு – 20 தொடர்களில் பங்கேற்பதற்காகவும் தன்னை ஒப்பந்தத்திலிருந்து விடுவிக்குமாறு 33 வயதான போல்ட் கோரியமையைத் தொடர்ந்தே அவரை ஒப்பந்தத்திலிருந்து நியூசிலாந்து விடுவித்துள்ளது.

எவ்வாறெனினும், சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடருக்கு பெரும்பாலும் போல்ட் தெரிவு செய்யப்படுவார் எனவும், மேற்கிந்தியத் தீவுகள் சுற்றுப்பயணத்தில் பங்கேற்பார் எனவும் நியூசிலாந்து கிரிக்கெட் சபையின் பிரதம நிறைவேற்றதிகாரி டேவிட் வைட் தெரிவித்துள்ளார்.