முதலாமிடத்துக்கு முன்னேறிய பும்ரா

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களின் தரவரிசையில் முதலாமிடத்துக்கு ஜஸ்பிரிட் பும்ரா முன்னேறியுள்ளார்.

அவுஸ்திரேலியாவுக்கெதிரான முதலாவது டெஸ்டில் 8 விக்கெட்டுகளைக் கைப்பற்றியமையைத் தொடர்ந்தே மூன்றாமிடத்திலிருந்து இரண்டு இடங்கள் முன்னேறி முதலாமிடத்தை பும்ரா அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. ககிஸோ றபாடா, 3. ஜொஷ் ஹேசில்வூட், 4. இரவிச்சந்திரன் அஷ்வின், 5. பிரபாத் ஜெயசூரிய, 6. பற் கமின்ஸ், 7. இரவீந்திர ஜடேஜா, 8. நேதன் லையன், 9. நொமன் அலி, 10. மற் ஹென்றி.

குறித்த போட்டியில் 161 ஓட்டங்களைப் பெற்ற இந்தியாவின் யஷஸ்வி ஜைஸ்வால், துடுப்பாட்டவீரர்களுக்கான தரவரிசையில் நான்காமிடத்திலிருந்து இரண்டு இடங்கள் முன்னேறி இரண்டாமிடத்தையடைந்துள்ளார்.

இதேவேளை இப்போட்டியில் 100 ஓட்டங்களைப் பெற்ற அவுஸ்திரேலியாவின் ட்ரெவிஸ் ஹெட், 13ஆம் இடத்திலிருந்து மூன்று இடங்கள் முன்னேறி பத்தாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. யஷஸ்வி ஜைஸ்வால், 3. கேன் வில்லியம்சன், 4. ஹரி ப்றூக், 5. டரைல் மிற்செல், 6. றிஷப் பண்ட், 7. ஸ்டீவன் ஸ்மித், 8. செளட் ஷகீல், 9. கமிந்து மென்டிஸ், 10. ட்ரெவிஸ் ஹெட்.

இந்நிலையில் மேற்கிந்தியத் தீவுகளுக்கெதிரான முதலாவது டெஸ்டில் 68 ஓட்டங்களைப் பெற்றதுடன், 4 விக்கெட்டுகளைக் கைப்பற்றிய பங்களாதேஷின் மெஹிடி ஹஸன் மிராஸ் சகலதுறைவீரர்களுக்கான தரவரிசையில் ஆறாமிடத்திலிருந்து மூன்று இடங்கள் முன்னேறி மூன்றாமிடத்தையடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. இரவிச்சந்திரன் அஷ்வின், 3. ஷகிப் அல் ஹஸன், மெஹிடி ஹஸன் மிராஸ், 5. ஜேஸன் ஹோல்டர்.