முதலாமிடத்துக்கு முன்னேறிய மொஹமட் சிராஜ்

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான பந்துவீச்சாளர்களின் தரவரிசையில் முதலாமிடத்துக்கு இந்தியாவின் வேகப்பந்துவீச்சாளர் மொஹமட் சிராஜ் முன்னேறியுள்ளார்.

நியூசிலாந்துக்கெதிரான முதலிரண்டு போட்டிகளில் ஐந்து விக்கெட்டுகளைக் கைப்பற்றியதைத் தொடர்ந்தே மூன்றாமிடத்திலிருந்து இரண்டு இடங்கள் முன்னேறி முதலாமிடத்தை சிராஜ் அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. மொஹமட் சிராஜ், 2. ஜொஷ் ஹேசில்வூட், 3. ட்ரெண்ட் போல்ட், 4. மிற்செல் ஸ்டார்க், 5. ரஷீட் கான், 6. அடம் ஸாம்பா, 7. ஷகிப் அல் ஹஸன், 8. ஷகீன் ஷா அஃப்ரிடி, 9. முஸ்தபிசூர் ரஹ்மான், 10. முஜீப் உர் ரஹ்மான்.

இதேவேளை நியூசிலாந்துக்கெதிரான மூன்று போட்டிகளில் 360 ஓட்டங்களைப் பெற்ற இந்தியாவின் ஷுப்மன் கில், 26ஆம் இடத்திலிருந்து 20 இடங்கள் முன்னேறி ஆறாமிடத்தை அடைந்துள்ளார்.

இந்நிலையில், இம்மூன்று போட்டிகளிலும் 186 ஓட்டங்களைப் பெற்ற இந்தியாவின் அணித்தலைவர் றோஹித் ஷர்மா, 10ஆம் இடத்திலிருந்து இரண்டு இடங்கள் முன்னேறி எட்டாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. பாபர் அஸாம், 2. றஸி வான் டர் டுஸன், 3. குயின்டன் டி கொக், 4. டேவிட் வோர்னர், 5. இமாம்-உல்-ஹக், 6. ஷுப்மன் கில், 7. விராட் கோலி, 8. றோஹித் ஷர்மா, 9. ஸ்டீவ் ஸ்மித், 10. ஜொனி பெயார்ஸ்டோ.

முதல் ஐந்து சகலதுறைவீரர்களின் தரவரிசை பின்வருமாறு,

1. ஷகிப் அல் ஹஸன், 2. மொஹமட் நபி, 3. மெஹெடி ஹஸன், 4. ரஷீட் கான், 5. மிற்செல் சான்ட்னெர்.