மே. தீவுகளின் பயிற்சியாளர் லோ விலகினார்

மேற்கிந்தியத் தீவுகள் கிரிக்கெட் அணியின் தலைமைப் பயிற்றுவிப்பாளர் பொறுப்பிலிருந்து ஸ்டூவர்ட் லோ இராஜினாமா செய்துள்ளார்.

இங்கிலாந்தின் கவுண்டி அணியான மிடில்செக்ஸின் தலைமைப் பயிற்றுவிப்பாளராகவுள்ள ஸ்டூவர்ட் லோ, அடுத்த மாதம் இந்தியாவுக்கும் அதற்கடுத்த மாதம் பங்களாதேஷுக்கும் மேற்கிந்தியத் தீவுகள் மேற்கொள்ளவுள்ள சுற்றுப் பயணத்தைத் தொடர்ந்து தனது பதவியிலிருந்து விலகுகிறார்.

தனது காலத்தில், டெஸ்ட்களில் மேற்கிந்தியத் தீவுகளை மேம்படுத்திய ஸ்டூவர்ட் லோ, அடுத்தாண்டு உலகக் கிண்ணத்துக்கான தகுதியையும் பெற்றுக் கொடுத்திருந்தார்.