யூரோ: போலந்தை வென்ற நெதர்லாந்து

ஜேர்மனியில் நடைபெற்று வரும் ஐரோப்பிய கால்பந்தாட்டச் சங்கங்களின் ஒன்றியத்தின் யூரோ கிண்ணத் தொடரில், இன்று நடைபெற்ற போலந்துடனான குழு டி போட்டியில் 2-1 என்ற கோல் கணக்கில் நெதர்லாந்து வென்றது.

நெதர்லாந்து சார்பாக கோடி கக்போ, வெளட் வெகோஸ்ட் ஆகியோர் தலா ஒவ்வொரு கோலைப் பெற்றதோடு, போலந்து சார்பாகப் பெறப்பட்ட கோலை அடம் புஸ்கஸ் பெற்றிருந்தார்.

இப்போட்டியில் உபாதை காரணமாக போலந்தின் அணித்தலைவர் றொபேர்ட் லெவன்டோஸ்கி பங்கேற்றிருக்கவில்லை என்பது குறிப்பிடத்தக்கது.

இதேவேளை டென்மார்க், ஸ்லோவேனியாவுக்கிடையிலான குழு சி போட்டியானது 1-1 என்ற கோல் கணக்கில் சமநிலையில் முடிவடைந்தது. டென்மார்க் சார்பாகப் பெறப்பட்ட கோலை கிறிஸ்டியன் எரிக்சன் பெற்றதோடு, ஸ்லோவேனியா சார்பாகப் பெறப்பட்ட கோலை எரிக் ஜன்ஸா பெற்றிருந்தார்.