லயோன் செல்லும் மட்ரிட்டின் என்ட்ரிக்

பருவகால முடிவு வரையில் பிரெஞ்சு லீக் 1 கழகமான லயோனில் றியல் மட்ரிட்டின் முன்களவீரரான என்ட்ரிக் இணைந்துள்ளதாக இரண்டு கழகங்களும் செவ்வாய்க்கிழமை (23) தெரிவித்துள்ளன.

பிரேஸிலியக் கழகமான பல்மெய்ராஸிலிருந்து 2024ஆம் ஆண்டு 18 வயதை அடைந்ததையடுத்து ஆறாண்டு ஒப்பந்தத்தில் மட்ரிட்டில் என்ட்றிக் இணைந்திருந்தார்.

கார்லோ அன்சிலோட்டின்யின் கீழ் பெரும்பாலும் மாற்றுவீரராகக் களமிறங்கும் என்ட்றிக் 37 போட்டிகளில் 7 கோல்களைப் பெற்ற நிலையில் ஸ்கெபி அலோன்ஸோவின் கீழ் அவர் மூன்று போட்டிகளிலேயே களமிறங்கியிருந்தார்.