16.25 கோடி இந்திய ரூபாய்களுக்கு ஏலம் போன மொறிஸ்

இந்தியன் பிறீமியர் லீக்கில், தென்னாபிரிக்காவின் சகலதுறைவீரர் கிறிஸ் மொறிஸ், ராஜஸ்தான் றோயல்ஸுக்கு 16.25 கோடி இந்திய ரூபாய்களுக்கு ஏலம் போயுள்ளார்.

இதேவேளை, நியூசிலாந்தின் வேகப்பந்துவீச்சாளராக கைல் ஜேமிஸன், 15 கோடி இந்திய ரூபாய்களுக்கு றோயல் சலஞ்சர்ஸ் பெங்களூருக்கு ஏலம் போயுள்ளதுடன், அவுஸ்திரேலியாவின் சகலதுறைவீரர் கிளென் மக்ஸ்வெல்லும் 14.25 கோடி இந்திய ரூபாய்களுக்கு ஏலம் போயுள்ளார்.

இந்நிலையில், அவுஸ்திரேலிய வேகப்பந்துவீச்சாளர் ஜஹை றிச்சர்ட்ஸன், பஞ்சாப் கிங்ஸுக்கு 14 கோடி இந்திய ரூபாய்களுக்கு ஏலம் போயுள்ளார்.

இதேவேளை, சென்னை சுப்பர் கிங்ஸுக்கு 9.25 கோடி இந்திய ரூபாய்களுக்கு இந்திய சுழற்பந்துவீச்சாளர் கிருஷ்ணப்பா கெளதம் ஏலம் போயுள்ளதுடன், இங்கிலாந்து சகலதுறைவீரர் மொயின் அலி 7 கோடி இந்திய ரூபாய்களுக்கு சென்னைக்கு ஏலம் போயுள்ளார். தவிர, செட்டேஸ்வர் புஜாராவையும் 50 இலட்சம் இந்திய ரூபாய்களுக்கு ச்சென்னை ஏலமெடுத்துள்ளது.