யுவராஜ் அதிரடி; பெங்களூருக்கு வெற்றி

ஐ.பி.எல் கிரிக்கெட் தொடரில் பெங்களூரு ரோயல் சலஞ்செர்ஸ் அணியானது டெல்லி டெயார் டெவில்ஸ் அணியை 16 ஓட்டங்களினால் வெற்றி பெற்றது. இந்தப் போட்டியில் முதலில் துடுப்பாடிய பெங்களூரு ரோயல் சலஞ்செர்ஸ் அணி 20 ஓவர்களில் 4 விக்கெட்களை இழந்து 186 ஓட்டங்களைப் பெற்றது. இதில் யுவராஜ் சிங் 29 பந்துகளில் 1 நான்கு ஓட்டம், 9 ஆறு ஓட்டங்கள் அடங்கலாக ஆட்டமிழக்காமல் 68 ஓட்டங்களைப் பெற்றார். AB DE வில்லியர்ஸ் 33 ஓட்டங்களையும், பார்த்திவ் பட்டேல் 29 ஓட்டங்களையும் பெற்றனர். பதிலுக்கு துடுப்பாடிய டெல்லி டெயார் டெவில்ஸ் அணி 20 ஓவர்களில் 7 விக்கெட்களை இழந்து 170 ஓட்டங்களைப் பெற்றது. இதில் டுமினி 30 பந்துகளில் 3 நான்கு ஓட்டங்கள், 3 ஆறு ஓட்டங்கள் அடங்கலாக 48 ஓட்டங்களையும், கெவின் பீற்றர்சன் 29 ஓட்டங்களையும். கெடார் ஜாதவ் ஓட்டங்களையும் பெற்றனர். பந்துவீச்சில் முத்தையா முரளிதரன், மிச்சேல் ஸ்டார்க் ஆகியோர் தலா 2 விக்கெட்களைக் கைப்பற்றினர். போட்டியின் நாயகனாக யுவராஜ் சிங் தெரிவானார். 

 

இந்த வெற்றியின் மூலம் பெங்களூரு ரோயல் சலஞ்செர்ஸ் அணி விளையாடிய 10 போட்டிகளில் நான்கில் வெற்றிபெற்று 8 புள்ளிகளுடன் ஆறாவது இடத்தைப் பிடித்துள்ள அதேவேளை, டெல்லி டெயார் டெவில்ஸ் அணி விளையாடிய 10 போட்டிகளில் இரண்டு வெற்றிகளை மாத்திரம் பெற்று 4 புள்ளிகளுடன் எட்டாவது இடத்தைப் பிடித்துள்ளது.