3 மாதங்களுக்கு ஓ ருர்க் இல்லை

முதுகுப் பகுதி உபாதை காரணமாக குறைந்தது மூன்று மாதங்களுக்கு நியூசிலாந்தின் வேகப்பந்துவீச்சாளர் வில் ஓ ருர்க் விளையாட முடியாது.

இதேவேளை வலது காலில் ஏற்பட்ட முறிவு காரணமாக துடுப்பாட்டவீரர் பின் அலென்னும் மூன்று மாதங்களுக்கு விளையாட முடியாது.

இந்நிலையில் அடிவயிற்றுப் பகுதி உபாதை காரணமாக சகலதுறைவீரர் கிளென் பிலிப்ஸ் அவுஸ்திரேலியாவுக்கெதிரான இருபதுக்கு – 20 சர்வதேசப் போட்டித் தொடரை தவறவிடவுள்ளார்.

இதேவேளை அடிவயிற்று சத்திரசிகிச்சையை மேற்கொண்ட மிற்செல் சான்ட்னெரும் அவுஸ்திரேலியாவுக்கெதிரான தொடரில் பங்கேற்பது சந்தேகத்துக்கிடமானதாகக் காணப்படுகிறது.

இந்நிலையில் வேகப்பந்துவீச்சாளர் பென் சியர்ஸ் காயத்திலிருந்து குணமடைந்துள்ளார் எனக் கூறப்படுகிறது.