பயணக் கட்டுப்பாட்டில் மதுபான விற்பனை; ஒருவர் கைது

ரீ.எல்.ஜவ்பர்கான்

மட்டக்களப்பு, கொக்கட்டிச்சோலை பொலிஸ் பிரிவுக்குட்பட்ட முனைக்காடுப் பிரதேசத்தில் பயணக் கட்டுப்பாட்டுக் காலப்பகுதியில், சட்டவிரோதமாக மதுபான விற்பனையில் ஈடுபட்ட ஒருவர் கைது செய்யப்பட்டுள்ளார்.

மட்டக்களப்பு மாவட்ட சிரேஷ்ட பொலிஸ் அத்தியட்சகர் சுதத் மாசிங்கவின் பணிப்புரையின் கீழ், மாவட்ட குற்ற விசாரணைப் பிரிவு பொலிஸார், நேற்று (22) மாலை மேற்கொண்ட சுற்றிவளைப்பின் போதே, இந்நபர் கைதுசெய்யப்பட்டுள்ளார்.

சட்டவிரோதமான முறையில் வீட்டில் வைத்து மதுபான வியாபாரத்தில் ஈடுபட்டிருந்த நிலையில் மேற்படி நபர் கைதுசெய்யப்பட்டுள்ளதுடன், 48 டின்கள் மற்றும் 9 போத்தல் பியர் ஆகியனவும் பொலிஸாரால் கைப்பற்றப்பட்டுள்ளன.

இந்த சட்டவிரோத வியாபாரம் தொடர்பில் இரகசியத் தகவல் கிடைத்திருந்ததாக பொறுப்பதிகாரி பி எஸ்.பி .பண்டார தெரிவித்தார்.

மேலதிக விசாரணைகளை கொக்கட்டிச்சோலை பொலிஸார் மேற்கொண்டுள்ளனர்.