மக்களுக்காக குறுந்தகவல் சேவை

தேசிய நீர் வழங்கல் மற்றும் வடிகாலமைப்புச் சபையின் மட்டக்களப்பு பிராந்திய முகாமையாளர் அலுவலகம், மக்களின் நலனைக் கருதி, குறுந்தகவல் சேவையொன்றை வழங்கிவருகின்றது.

இதனுடாக, மட்டக்களப்பு பிராந்தியத்தில் அவ்வப்போது மேற்கொள்ளப்படும் பராமரிப்பு மற்றும் திருத்த வேலை காரணமாக ஏற்படும் நீர்த்துண்டிப்பு, நீர் கட்டண விவரம், அதனுடன் தொடர்புபட்ட இதர தகவல்களை தங்களின் அலைபேசிகள் மூலம் உடனுக்குடன் இலவசமாகப் பெற்றுக்கொள்ள முடியுமென,  பிராந்திய முகாமையாளர் பொறியியலாளர் டி.ஏ. பிரகாஷ் தெரிவித்தார்.

இச்சேவையை, அலைபேசியில் செயற்படுத்த   F <இடைவெளி> @battiwater என டைப் செய்து 40404 என்ற இலக்கத்துக்கு குறுந்தகவலை அனுப்புமாறு கோரப்பட்டுள்ளது. (உ+ம்: F @battiwater)